မဟာဗျူ ဟာဒီဇိုင်းရေးဆွဲခဲ့သည့်ဒုတိယအကြိမ်အလုပ်ရုံဆွေးနွေးပွဲများဆီသို့

Wed, 12/31/2014 - 14:25 -- IT_local

အမျိူးသားပို့ကုန်မဟာဗျူ ဟာ ပထမအကြိမ်အလုပ်ရုံဆွေးနွေးပွဲတွင် ဦးစားပေးကဏ္ဍများရွေးချယ်၍ ဒီဇိုင်းရေးဆွဲရေးခြေလှမ်းသစ်များစတင်ခဲ့ပြီးနောက် မဟာဗျူ ဟာဒီဇိုင်းလုပ်ငန်းစဉ်ကို အောင်မြင်စွာ ရေးဆွဲချမှတ်နိုင်ရန်  ဆက်လက်ဆောင်ရွက် ခဲ့သည်။ ပထမဦးစွာဦးစားပေးကဏ္ဍအလိုက် ဦးဆောင်၍ အကောင်အထည်ဖေါ်နိုင်မည့် တာဝန်ခံညှိနှိုင်းရေးမှူး (Coordinators) များကိုသက်ဆိုင်ရာ ပုဂ္ဂလိကကဏ္ဍ အသင်းအဖွဲ့များမှ ရွေးချယ်စေပြီး၊ အစိုးရ-ပုဂ္ဂလိကကဏ္ဍမှ ကိုယ်စားလှယ် များပါဝင်သော ကဏ္ဍအလိုက် လုပ်ငန်းအဖွဲ့များ (Sector Teams)ကိုစီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဦးဆောင်၍ တွေ့ဆုံဆွေးနွေးမှုများပြု လုပ်ကာဖွဲ့စည်းခဲ့သည်။ ထို့နောက် တာဝန်ခံညှိနှိုင်းရေးမှူးများမှ နိုင်ငံတကာ ကုန်သွယ် မှုဗဟိုဌာန(ITC) မှ ကျွမ်းကျင်သူများနှင့် တိုက်ရိုက်ဆက်သွယ်၍ ကဏ္ဍအလိုက် လိုအပ်သော စာရင်းအချက်အလက်များစုဆောင်းခြင်း၊ လေ့လာသုတေသနပြု ခြင်းများဆောင်ရွက်ခဲ့သည်။ထို့နောက် ဒုတိယအကြိမ်အလုပ်ရုံဆွေးနွေးပွဲကို စီးပွားရေး နှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုသမ္မတမြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချူ ပ်နှင့် နိုင်ငံ တကာကုန်သွယ်မှုဗဟိုဌာနတို့ပူးပေါင်း၍ ၂၀၁၃ခုနှစ် အောက်တိုဘာ ၁ ရက်နေ့မှ ၁၁ ရက်နေ့ထိ ရန်ကုန်မြို့ ၊ ပြည်ထောင်စုသမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်မျာ အသင်းချူ ပ်၌ ကျင်းပခဲ့သည်။ ဖွင့်ပွဲအခမ်းအနားကို ၂၀၁၃ ခုနှစ်၊ အောက်တိုဘာ ၁ ရက်နေ့တွင် ကျင်းပခဲ့ပြီး စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန ဒုတိယဝန်ကြီးဒေါက်တာပွင့်ဆန်း၊ ကုန်သည်များနှင့် စက်မှု လက်မှုလုပ်ငန်းရှင်များအသင်းချူ ပ် ဥက္ကဌ၊ ကုန်သွယ်မှုမြှင့်တင်ရေးဦးစီးဌာန ညွန်ကြားရေးမှူးချူ ပ်နှင့် တာဝန်ရှိသူများ၊ နိုင်ငံတကာကုန်သွယ်မှုဗဟိုဌာနနှင့် နိုင်ငံတကာအဖွဲ့အစည်း များမှ ဖိတ်ကြားထားသူများ၊ အမျိူးသားပို့ကုန်မဟာဗျူ ဟာဗဟိုအဖွဲ့နှင့် လုပ်ငန်းအဖွဲ့များတွင်ပါဝင်ကြသူများ၊ ဝန်ကြီးဌာနများနှင့် အသင်းအဖွဲ့များမှ တာဝန်ရှိသူများ၊ အခြားဖိတ်ကြားထားသူများစုစုပေါင်းလူဦးရေ (၂၅၀) ကျော် တက်ရောက်ခဲ့ကြ သည်။ အမျိူးသားပို့ကုန်မဟာဗျူ ဟာလုပ်ငန်းစီမံချက် ဒုတိယအကြိမ်အလုပ်ရုံဆွေးနွေးပွဲကျင်းပရခြင်း၏ အဓိကရည်ရွယ်ချက်များမှာ အမျိူးသားပို့ကုန်မဟာဗျူ ဟာဒီဇိုင်းရေးဆွဲခြင်းအဆင့်ကို အကောင်အထည် ဖော်ဆောင်ရွက်ရာတွင် ဦးစားပေးရွေးချယ်ဆောင်ရွက်မည့်ကဏ္ဍများအလိုက် လက်ရှိအခြေအနေ၊ ပုဂ္ဂလိကလုပ်ငန်းရှင်များ၏ လက်တွေ့အခက်အခဲများ၊ လိုအပ်ချက်များကိုအစိုးရ-ပုဂ္ဂလိကပူးပေါင်း ဆွေးနွေးဖော်ထုတ်ပြီး၊ ကဏ္ဍအလိုက်မဟာဗျူ ဟာအတွက် မျှော်မှန်းချက်၊ ဦးတည်ချက်များနှင့် အကောင်အထည်ဖော် ဆောင်ရွက်မည့် လက်တွေ့လုပ်ငန်းစီမံချက်များရေးဆွဲနိုင်စေရန်ဖြစ်သည်။ မဟာဗျူ ဟာ၏ ဦးစားပေးကဏ္ဍ(၁၁)ရပ်အား ၂၀၁၃ခုနှစ် အောက်တိုဘာလ ၂ရက်နေ့မှ၁၁ ရက်နေ့အတွင်းကုန်သည်များနှင့် စက်မှုလက်မှုလုပ်ငန်းရှင်များအသင်းချူ ပ်၌ ကဏ္ဍအလိုက်၊ နေ့ရက်များသတ်မှတ်၍ နိုင်ငံတကာကုန်သွယ်မှုဗဟိုဌာနမှ ကျွမ်းကျင်ပညာရှင်များ၏ နည်းပညာပံ့ပိုးမှုဖြင့် ဆွေးနွေးညှိနှိုင်းမှု များပြု လုပ်ခဲ့သည်။ သက်ဆိုင်ရာအစိုးရ-ပုဂ္ဂလိကကဏ္ဍမှ ပို့ကုန်မဟာဗျူ ဟာလုပ်ငန်းအဖွဲ့ဝင်များ တက်ကြွစွာပါဝင်ဆွေးနွေးခဲ့သလို ပြည်တွင်း/ပြည်ပအဖွဲ့အစည်းများမှ လေ့လာသူအနေနှင့် ပါဝင်တက်ရောက်ခဲ့သည်များလည်းရှိခဲ့ကာ စိတ်ဝင်စားဘွယ်အတိဖြစ်ခဲ့သည်။ ၁၀ရက်ကြာကျင်းပခဲ့သည့် ကဏ္ဍ အလိုက်ဆွေးနွေးပွဲများသည် လက်ရှိတွေ့ကြုံ နေရသောအခြေအနေ၊အခက်အခဲများကိုဖော်ထုတ်၍ ဖြေရှင်းဆောင်ရွက်နိုင်မည့် နည်းလမ်းများကို ကျွမ်းကျင်ပညာရှင်များ၏အကူအညီဖြင့် တက်ကြွစွာဆွေးနွေးအဖြေရှာခဲ့ကြပြီးကျေနပ်အားရ စရာကောင်းခဲ့သည်။ဆွေးနွေးမှုများကိုပြန်လည်သုံးသပ်ကြည့်လျှင် ဦးစားပေးကဏ္ဍများတွင် ကဏ္ဍအလိုက် value chain  မြေပုံရေးဆွဲသုံးသပ်ခြင်း၊ Stakeholders များနှင့် အထောက်အကူပြု ဝန်ဆောင်မှု အဖွဲ့အစည်းများကို ဆွေးနွေးဖေါ်ထုတ်ပြု စုခြင်း၊ လက်ရှိပို့ကုန်ဈေးကွက်များကိုဆန်းစစ်လေ့လာခြင်း၊ ကုန်စည်စီးဆင်းမှုလမ်းကြောင်း (Distribution Channels)နှင့် လက်ရှိဈေးကွက်များအတွက် လိုအပ်ချက်များ ကိုဆွေးနွေးအတည်ပြု ခြင်းတို့ပြု လုပ်ကြသည်။ ဆက်လက်၍ ထုတ်လုပ်မှု အပိုင်း (supply side)၊ လုပ်ငန်း ပတ်ဝန်းကျင်(Business environment) နှင့် ဈေးကွက်ဝင်ရောက်နိုင်ရေး(market entry) တို့တွင် တွေ့ကြုံ နေရသောအခက်အခဲ(issues) များကိုဖေါ်ထုတ်အတည်ပြု ကာ ပြဿ     နာအဆင့်ဆင့်ကို ပုံပြကားချပ် (Problem Tree) အဖြစ် ရေးဆွဲမှတ်တမ်းတင်ခြင်းများပြု လုပ်ကြသည်။ ထို့အပြင် ကမ္ဘာ့ဈေးကွက် ယန္တရားပြောင်းလဲလည်ပတ်နေမှုများနှင့် ရှေ့အလားအလာများ၊ ကဏ္ဍအလိုက်ဈေးကွက်အလားအလာနှင့် ဈေးကွက်ဖွံ့ဖြိုးတိုးတက်မှုများ၊ တန်ဘိုးပြောင်းလဲမှုကွင်းဆက် (value chain) တွင် တိုးတက်စေရေး အကြံပြု ဆွေးနွေးခြင်းများကိုလည်းပြုလုပ်ကြသည်။ အထောက်အကူပြု ဝန်ဆောင်မှုကဏ္ဍများအပိုင်းတွင် လည်းသုတေသနပြု လေ့လာခဲ့မှုများအပေါ် ဆန်းစစ်လေ့လာခြင်း၊ ဝန်ဆောင်မှုဆိုင်ရာပံ့ပိုးဆောင်ရွက်ပေးနိုင်မည့် အဖွဲ့အစည်းများအားဖေါ်ထုတ်အတည်ပြု ခြင်း၊ တွေ့ကြုံ နေရသောအခက်အခဲများအပေါ် ပြန်လည် သုံးသပ်အဖြေရှာခြင်းများပြု လုပ်ကြသည်။ဤသို့အဘက်ဘက်မှ ပြည့်စုံစွာထည့်သွင်းစဉ်းစား ၍ ဆွေးနွေးညှိနှိုင်းကြပြီးကဏ္ဍတစ်ခုခြင်းစီအတွက် မျှော်မှန်းချက်၊ ဦးတည်ချက်များကိုညှိနှိုင်းဖေါ်ထုတ်ပြု စုကြသည်။ ထို့နောက်ရေးဆွဲခဲ့သည့် Problem Tree နှင့် မဟာဗျူ ဟာဦးတည်ချက်များအပေါ် အခြေခံ၍ မဟာဗျူ ဟာလုပ်ငန်းစီမံချက်(plan of action) ရေးဆွဲနိုင်ရန် လက်တွေ့လုပ်ဆောင်မည့် ရည်မှန်းချက်များနှင့် အဆိုပါရည်မှန်းချက်များကို အကောင်အထည်ဖော်ဆောင်ရွက်မည့် အသေးစိတ်လုပ်ငန်းစဉ်များကိုရေးဆွဲချမှတ်ကြသည်။ ဤနည်း လမ်းများဖြင့် ကဏ္ဍအလိုက် မဟာဗျူ ဟာ အတွက် မျှော်မှန်းချက်၊ ဦးတည်ချက်များနှင့် အကောင်အထည် ဖော် ဆောင်ရွက်မည့် လက်တွေ့လုပ်ငန်းစီမံချက်များရေးဆွဲနိုင်ခဲ့ကြသည်။ပို့ကုန်မဟာဗျူ ဟာဒီဇိုင်းရေးဆွဲရေးလုပ်ငန်းစီမံချက်သည် ဒုတိယအကြိမ်အလုပ်ရုံဆွေးနွေးပွဲတွင် အစိုးရ ကဏ္ဍနှင့်ပုဂ္ဂလိကအသင်းအဖွဲ့များမှ ဝိုင်းဝန်းဆွေးနွေးပေါင်းစည်းမှုတို့ဖြင့် အနှစ်သာရပြည့်ဝစွာ ပေါ်ထွက်လာခဲ့ပြီးရလဒ်ကောင်းများဖြင့် ရှေ့သို့ဆက်လက်ဦးတည်နိုင်ခဲ့ပေသည်။   

Undefined
News Category: