မြန်မာကုန်သွယ်မှုမြှင့်တင်ရေးအဖွဲ့

မြန်မာကုန်သွယ်မှုမြှင့်တင်ရေးအဖွဲ့ Myanmar Trade Promotion Organization – MYANTRADE တည်ထောင်ရေး လုပ်ငန်းစဉ်အကျဉ်းချုပ်

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ၏ ၂၀၁၂ ခုနှစ်၊ အောက်တို ဘာလတွင် ကိုရီးယားသမ္မတနိုင်ငံသို့ ချစ်ကြည်ရေးခရီးစဉ်သွားရောက်စဉ် ကိုရီးယားသမ္မတ နိုင်ငံအစိုးရ၏ အကူအညီဖြင့် မြန်မာနိုင်ငံကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေးဌာန ထူထောင်ရန်အတွက် နှစ်နိုင်ငံအကြီးအကဲများ ဆွေးနွေး၍ အကူအညီပေးရန် သဘောတူညီမှု ရရှိခဲ့ပါသည်။

ဆွေးနွေးချက်မှတ်တမ်း (Record of Discussion - ROD)          

          ၂၀၁၄ ခုနှစ်၊ မတ်လ ၆ ရက်နေ့တွင်  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာနနှင့် ကိုရီးယားသမ္မတနိုင်ငံ၊ ကိုရီးယား အပြည်ပြည်ဆိုင်ရာပူးပေါင်း ဆောင်ရွက်မှုအေဂျင်စီ (KOICA) တို့ Terms of Reference အရ ကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေးအတွက် စွမ်းဆောင်မှုတိုးတက်ရေးနှင့် မြန်မာ့ ကုန်သွယ်မှုနှင့် ရင်းနှီးမြှုပ်နှံမှုတိုးမြှင့်ရေးအေဂျင်စီတည်ထောင်ရေး ပင်မစီမံချက်ရေးဆွဲရေး စီမံကိန်း (The Project for Capacity development for Trade-Investment Promotion and establishment of Master Plan for Myanmar Trade Promotion Organization) အတွက် Record of Discussion (ROD) ကို လက်မှတ်ရေးထိုးခဲ့ပါသည်။

သဘောတူညီချက်မှတ်တမ်း (Agreed Minutes) လက်မှတ်ရေးထိုးခြင်း

၂၀၁၄ခုနှစ်၊ အောက်တိုဘာလတွင် ကိုရီးယားသမ္မတနိုင်ငံ ဆိုးလ်မြို့၌ ကျင်းပပြုလုပ်ခဲ့ သည့် ဒုတိယအကြိမ် မြန်မာ - ကိုရီးယား စီးပွားရေးပူးပေါင်းဆောင်ရွက်မှုဆိုင်ရာ ပူးတွဲ ကော်မတီအစည်းအဝေးတွင် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ပြည်ထောင်စုဝန်ကြီးနှင့် ကိုရီးယားသမ္မတနိုင်ငံ ဒုတိယဝန်ကြီးချုပ်နှင့် နည်းပညာနှင့် ဘဏ္ဍာ ရေးဝန်ကြီးဌာန ဝန်ကြီးဖြစ်သူတို့မှ Agreed Minutes တွင် လက်မှတ်ရေးထိုးခဲ့ပြီး ကုန်သွယ်မှု နှင့်ရင်းနှီးမြှုပ်နှံမှုမြှင့်တင်ရေးကို အသိအမှတ်ပြု၍ အထွေထွေစီးပွားရေး ပူးပေါင်းဆောင်ရွက်မှု၊ ကုန်သွယ်မှုနှင့်ရင်းနှီးမြှုပ်နှံမှု ခေါင်းစဉ်အောက်တွင် MYANTRADE  ဖွဲ့စည်းတည်ထောင် ရေး ပူးပေါင်းဆောင်ရွက်ရန် နှစ်ဖက်စလုံးမှ သဘောတူညီကြပါသည်။

စီမံကိန်း၏ရည်ရွယ်ချက်

မြန်မာနိုင်ငံတွင် ကုန်သွယ်မှုနှင့်နိုင်ငံခြားရင်းနှီးမြှုပ်နှံမှု (FDI) ပိုမိုတိုးမြှင့်နိုင်စေရန်၊ ကုန်သွယ်မှုနှင့် နိုင်ငံခြားရင်းနှီးမြှုပ်နှံမှုဆိုင်ရာမူဝါဒများ အကောင်အထည်ဖော်ရာတွင် ပိုမို ထိရောက်စွာ ဆောင်ရွက်နိုင်ရန်၊ စက်မှုကဏ္ဍတွင် ကုန်ထုတ်လုပ်မှုလုပ်ငန်းပြိုင်ဆိုင်မှု ပိုမို ခိုင်မာလာစေရန်၊ ကုန်ထုတ်လုပ်ငန်းမှ ပို့ကုန်အမယ်များတိုးမြှင့်ရေးဆောင်ရွက်နိုင်ရန်၊ SME လုပ်ငန်းများအတွက် ပို့ကုန်ဈေးကွက်သစ်ရှာဖွေနိုင်ရန်၊ သတင်းအချက်အလက်နည်းပညာ (IT) ဆိုင်ရာ ဝန်ဆောင်မှုများပေးခြင်းနှင့် အလုပ်အကိုင်အခွင့်အလမ်းများ ဖန်တီးပေးနိုင်ပြီး စီးပွားရေးစဉ်ဆက်မပြတ်တိုးတက်ရေးကို အထောက်အကူပြုနိုင်ရန်အတွက် မြန်မာကုန်သွယ် မှုမြှင့်တင်ရေးအဖွဲ့ (MYANTRADE)  ဖွဲ့စည်းရခြင်း ဖြစ်ပါသည်။

မျှော်မှန်းချက် (Vision)

  • ပို့ကုန်ဦးဆောင်သော ဖွံ့ဖြိုးတိုးတက်ရေးမဟာဗျူဟာကိုကျင့်သုံး၍ မြန်မာ့စီးပွားရေး လုပ်ငန်းများကို မြှင့်တင်ပေးခြင်းဖြင့် မြန်မာနိုင်ငံအား ဒေသတွင်းကုန်သွယ်မှု၌ ယှဉ်ပြိုင် နိုင်စွမ်းရှိသော နိုင်ငံတစ်နိုင်ငံဖြစ်လာစေရန်။

ရည်မှန်းချက် (Mission)

  • ဒေသတွင်းနှင့် ကမ္ဘာ့ဈေးကွက်များတွင် ထိထိရောက်ရောက် ယှဉ်ပြိုင်နိုင်စွမ်းရှိရေး ပြည်တွင်းကုမ္ပဏီများကို စွမ်းဆောင်ရည်မြှင့်တင်ပေးခြင်းဖြင့် မြန်မာ့ကုန်သွယ်မှုနှင့် ပို့ကုန်များကိုတိုးမြှင့်ရန်၊
  • ကုန်စည်များနှင့် ဝန်ဆောင်မှုများကို “မြန်မာပြည်တွင်ပြုလုပ်သည်” ဟူသော တံဆိပ် တပ်နိုင်ရေးသည် MYANTRADE ၏ အဓိက ရည်မှန်းချက်ဖြစ်သည်။
  • ဦးတည်ချက်များ (Objectives)
  • အပြည်ပြည်ဆိုင်ရာဈေးကွက်တွင် မြန်မာပို့ကုန်လုပ်ငန်းရှင်များ၏ “ဂုဏ်ပုဒ်” ကို မြှင့်တင်ရန်၊
  • အပြည်ပြည်ဆိုင်ရာဈေးကွက်တွင် မြန်မာကုမ္ပဏီများယှဉ်ပြိုင်မှု အသာစီးရရှိနိုင်ရေး ကူညီသည့်အနေဖြင့် သင့်လျော်အကျိုးရှိသော သတင်းနှင့်ဈေးကွက်သုတေသန အချက်အလက်၊ ကိန်းဂဏန်းများကို အချိန်နှင့်တပြေးညီ ဖြန့်ဝေပေးရန်၊
  • မြန်မာထုတ်လုပ်သူများကို ရှာဖွေနေသော နိုင်ငံခြားတင်သွင်းသူ လုပ်ငန်းရှင်များကို မြန်မာကုမ္ပဏီများနှင့် မိတ်ဆက်ထိတွေ့ပေးရန်၊
  • ပင်လယ်ရပ်ခြားဈေးကွက်များတွင် မြန်မာကုန်စည်နှင့်ဝန်ဆောင်မှုများ တိုးမြှင့်တင်ပို့ နိုင်ရန်။

မြန်မာကုန်သွယ်မှုမြှင့်တင်ရေးအဖွဲ့ တည်ထောင်ရေးစီမံကိန်းအတွက် ကိုရီးယားအပြည် ပြည်ဆိုင်ရာပူးပေါင်းဆောင်ရွက်ရေးအေဂျင်စီ (KOICA- Korea International Cooperation Agency)၏ ODA အထောက်အပံ့ဖြင့် ကိုရီးယားနိုင်ငံကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေး အေဂျင်စီ (KOTRA- Korea Trade & Investment Promotion Agency) ၏ အကူအညီဖြင့် အကောင်အထည်ဖော် ဆောင်ရွက်လျှက်ရှိပါသည်။

စီမံကိန်းကာလ (Project Period)

၂၀၁၅ ခုနှစ်၊ မေလ မှ ၂၀၁၆ ခုနှစ်၊ အောက်တိုဘာလထိ

စီမံကိန်းတန်ဖိုး (Project Value)

  1. အမေရိကန်ဒေါ်လာ (၁၈)သန်း (လျာထား)
  2. ပထမအဆင့်အနေဖြင့် MYANTRADE တည်ထောင်ရန်အတွက် ပင်မစီမံကိန်း (Master Plan) ရေးဆွဲခြင်းနှင့် ကုန်သွယ်မှုမြှင့်တင်ရေးအတွက် စွမ်းဆောင်ရည် မြှင့်တင်ရန် (Capacity Building for Trade Promotion and Establishment of Master Plan for Myanmar Trade Promotion Organization (MYANTRADE) အမေရိကန် ဒေါ်လာ (၃)သန်း သတ်မှတ်ထားပါသည်။

သဘောတူညီမှုစာလွှာ (Letter of Intent -LOI) လက်မှတ်ရေးထိုးခြင်း

ROD အပေါ်အခြေခံ၍ ၂၀၁၅ ခုနှစ်၊ မေလ ၂၁ ရက်နေ့တွင် ကုန်သွယ်မှုမြှင့်တင်ရေး နှင့် စားသုံးသူရေးရာဦးစီးဌာနနှင့်  (KOICA)၊ (KOTRA) တို့သည် MYANTRADE ဖွဲ့စည်း ရေးအတွက် Master Plan ရေးဆွဲရန်နှင့် စွမ်းရည်မြှင့်တင်တည်ထောင်ရန်  သဘောတူညီမှု စာလွှာ (LOI) ကို ရန်ကုန်မြို့၊ Novotel Hotel ၌ ကျင်းပပြုလုပ်ခဲ့သည့် Korea-Myanmar Economic Forum အခမ်းအနားတွင် ပြည်ထောင်စုဝန်ကြီး ဦးဝင်းမြင့်နှင့် (KOTRA) ဥက္ကဌတို့ လက်မှတ် ရေးထိုးခဲ့ပါသည်။

ဖွင့်ပွဲ (Kick- off Metting) ကျင်းပခြင်း

၂၀၁၅ ခုနှစ်၊ မေလ ၂၂ ရက်နေ့၌ နေပြည်တော်ရှိ The Lake Garden Hotel တွင် ပထမအကြိမ် Kick-off Meeting for MYANTRADE Master Plan အစည်းအဝေးကို ကျင်းပ ပြုလုပ်ခဲ့ပါသည်။ 

အတည်ပြုချက်ရယူခြင်း

၂၀၁၅ ခုနှစ်၊ စက်တင်ဘာလ ၃ ရက်နေ့တွင် စီးပွားရေးနှင့် ကူးသန်းရောင်းဝယ် ရေး ဝန်ကြီးဌာနအောက်တွင် မြန်မာကုန်သွယ်မှုမြှင့်တင်ရေးအဖွဲ့ အမည်ဖြင့် ဌာနအသစ်တစ်ခု ဖွဲ့စည်းတည်ထောင်ခွင့်ပြုပါရန် ပြည်ထောင်စုအစိုးရအဖွဲ့သို့ တင်ပြခဲ့ပြီး ၂၀၁၅ ခုနှစ် နိုဝင် ဘာလ ၂၇ ရက်နေ့တွင် နိုင်ငံတော်သမ္မတရုံးမှ ဆက်လက်ဆောင်ရွက်သွားရန် ခွင့်ပြုခဲ့ပါ သည်။

စွမ်းဆောင်ရည်မြှင့်တင်ရေးသင်တန်းများစေလွှတ်ခြင်း

ပထမအကြိမ် Working Level Officials အဆင့် လေ့လာရေးအစီအစဉ်အဖြစ် ကိုရီးယားနိုင်ငံ၊ ဆိုးလ်မြို့သို့ ၂၀၁၅ ခုနှစ်၊ စက်တင်ဘာလ (၆) ရက်နေ့မှ (၁၉) ရက်နေ့အထိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဘဏ္ဍာရေးဝန်ကြီးဌာန၊ အမျိုးသားစီမံကိန်း နှင့်စီးပွားရေး ဖွံ့ဖြိုးတိုးတက်မှုဝန်ကြီးဌာနနှင့် စက်မှုဝန်ကြီးဌာနတို့မှ အရာထမ်း(၂၅)ဦး စေလွှတ်ခဲ့ပါသည်။

ဒုတိယအကြိမ် Working Level Officials အဆင့် လေ့လာရေးအစီအစဉ်အဖြစ် ကိုရီးယားသမ္မတနိုင်ငံ၊ ဆိုးလ်မြို့သို့ ၂၀၁၅ ခုနှစ်၊ နိုဝင်ဘာလ (၁၅) ရက်နေ့မှ (၂၈) ရက်နေ့ အထိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ အမျိုးသားစီမံကိန်းနှင့် စီးပွားရေးဖွံ့ ဖြိုးတိုးတက်မှုဝန်ကြီးဌာန၊ စက်မှုဝန်ကြီးဌာန၊ ဘဏ္ဍာရေးဝန်ကြီးဌာနနှင့် ပြည်ထောင်စု ရှေ့နေချုပ်ရုံးတို့မှ အရာထမ်း (၂၅)ဦးစေလွှတ်ခဲ့ပါသည်။

Senior Level Officials အဆင့် လေ့လာရေးအစီအစဉ်အဖြစ်၂၀၁၆ ခုနှစ်၊ ဇန်နဝါရီလ ၂၄ ရက်မှ ၃၁ ရက်နေ့အထိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ အမျိုးသား စီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ စက်မှုဝန်ကြီးဌာန၊ ဘဏ္ဍာရေးဝန်ကြီးဌာန၊ ပြည်ထောင်စုရှေ့နေချုပ်ရုံးနှင့် မြန်မာနိုင်ငံအထည်ချုပ်လုပ်ငန်းရှင်များအသင်းတို့မှ စုစုပေါင်း (၁၉) ဦး စေလွှတ်ခဲ့ပါသည်။

တတိယအကြိမ် Working Level Officials အဆင့် လေ့လာရေးအစီအစဉ်အဖြစ် ကိုရီးယားနိုင်ငံ၊ ဆိုးလ်မြို့သို့ ၂၀၁၆ ခုနှစ်၊ မေလ (၃၀) ရက်နေ့မှ ဇွန်လ(၁၁) ရက်နေ့ အထိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၊ ကုန်သွယ်ရေးဉီးစီးဌာန၊ စားသုံးသူရေးရာဦးစီးဌာနနှင့် မြန်မာကုန်သွယ်မှုမြှင့်တင်ရေးအဖွဲတို့မှ အရာထမ်း (၂၅) ဦး စေလွှတ်ခဲ့ပါသည်။

မြန်မာကုန်သွယ်မှုမြှင့်တင်ရေးအဖွဲ့၏ လုပ်ငန်းတာဝန်များ

၁။      ပို့ကုန်ဝင်ငွေတိုးတက်ရရှိရေး ဦးဆောင်ကြိုးပမ်းရန်။

၂။      ပို့ကုန်အမျိုးအစား စုံလင်စွာတိုးချဲ့တင်ပို့နိုင်စေရန်။

၃။      ပို့ကုန်ဈေးကွက်ပိုမိုကျယ်ပြန့်လာစေရန်။

၎။      ဈေးကွက်ဝင်ရောက်မှု လွယ်ကူချောမွေ့စေရန်။

၅။      တန်ဖိုးမြှင့်ပို့ကုန်များ တိုးမြှင့်တင်ပို့နိုင်စေရန်။

၆။      ကုန်သွယ်မှု လွယ်ကူလျှင်မြန်ချောမွေ့စေရန်။

၇။      ကုန်သွယ်မှုပတ်ဝန်းကျင်ကောင်း တည်ဆောက်ပေးရန်။

အစိုးရအဖွဲ့အတည်ပြုခြင်း

၂၀၁၆ ခုနှစ် မတ်လ ၂၄ ရက်နေ့တွင် ကျင်းပပြုလုပ်သည့် ပြည်ထောင်စုအစိုးရအဖွဲ့ အစည်းအဝေး အမှတ်စဉ် (၁၁/၂၀၁၆) ဆုံးဖြတ်ချက်အရ မြန်မာကုန်သွယ်မှုမြှင့်တင်ရေးအဖွဲ့ (Myanmar Trade Promotion Organization - MYANTRADE) တည်ထောင်ခြင်းကို အတည်ပြုခဲ့ပြီး ၂၀၁၆ ခုနှစ်၊ ဧပြီလ ၁ ရက်နေ့မှစ၍ လုပ်ငန်းတာဝန်များ စတင်ဆောင်ရွက် နေပြီဖြစ်ပါသည်။

ဆက်သွယ်ရန်

ဦးအောင်စိုး

ညွှန်ကြားရေးမှူးချုပ်

မြန်မာကုန်သွယ်မှုမြှင့်တင်ရေးအဖွဲ့၊

ရုံးအမှတ်(၅၂) ၊ နေပြည်တော်

၀၉-၄၂၀၇၀၅၇၇၈

၀၆၇-၄၃၀၂၀၆၊ ၀၆၇-၄၃၀၄၇၀

aungsoe2005@gmail.com

ဒေါက်တာထိန်လင်း

ညွှန်ကြားရေးမှူး

မဟာဗျူဟာကုန်သွယ်မှုမြှင့်တင်ရေးဌာနခွဲ

၀၉-၄၃၀၃၈၃၈၁,  ၀၆၇-၄၃၀၄၅၈, ၀၆၇-၄၀၈၄၂၈

koeniglynn2009@gmail.com