စားသောက်ကုန်ထုတ်လုပ်ရောင်းချသော စီးပွားရေးလုပ်ငန်းများဆိုင်ရာ အစိုးရ - ပုဂ္ဂလိက ပူးပေါင်းဆောင်ရွက်မှုဖိုရမ်ကိုအောင်မြင်စွာကျင်းပပြီးစီး

Thu, 03/23/2017 - 14:56 -- NES_user

စားသောက်ကုန်ထုတ်လုပ်ရောင်းချသော စီးပွားရေးလုပ်ငန်းများဆိုင်ရာ အစိုးရ - ပုဂ္ဂလိက ပူးပေါင်းဆောင်ရွက်မှုဖိုရမ်ကိုအောင်မြင်စွာကျင်းပပြီးစီး
    ဂျပန်နိုင်ငံ၊ စိုက်ပျိုးရေး၊ ငါးလုပ်ငန်းနှင့်သစ်တောဝန်ကြီးဌာနနှင့် Nomura Research Institute (NRI)တို့မှ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့်ပူးပေါင်း၍  စားသောက် ကုန်ထုတ်လုပ်ရောင်းချသော စီးပွားရေးလုပ်ငန်းများဆိုင်ရာ အစိုးရ - ပုဂ္ဂလိက ပူးပေါင်းဆောင် ရွက်မှုဖိုရမ်တစ်ခုကို ၂၀၁၇ခုနှစ်၊ ဇန်နဝါရီလ ၂၆ ရက်နေ့တွင် နေပြည်တော်၊ Grand Amara Hotel ၌ကျင်းပပြုလုပ်ခဲ့ပါသည်။
    အဆိုပါ ဖိုရမ်တွင် စီးပွား/ကူးသန်းဝန်ကြီးဌာန၊အမြဲတမ်းအတွင်းဝန်ဦးတိုးအောင်မြင့်မှ အဖွင့်အမှာစကားပြောကာ အခမ်းအနားကိုဖွင့်လှစ်ပေးခဲ့ပြီး၊ NRI ၏ သုတေသနပညာရှင်မှ မြန်မာနိုင်ငံရှိ စားသောက်ကုန် ထုတ်လုပ်ရောင်းချမှုဆိုင်ရာ စီးပွားရေး လုပ်ငန်းများနှင့် စပ်လျဉ်း၍ သုတေသနပြု လေ့လာတွေ့ရှိမှု အခြေအနေများ၊ ဂျပန်နိုင်ငံ၏၁၉၅၀-၁၉၈၀ ခုနှစ်များတွင် အသုံးပြုခဲ့သည့် အစားအသောက်ထုတ်လုပ်ရောင်းချခြင်းဆိုင်ရာနည်းလမ်းနှင့် အတွေ့အကြုံများ အပြင်  ဂျပန်စီးပွားရေးလုပ်ငန်းများ မြန်မာနိုင်ငံသို့ လာရောက်လုပ်ငန်းစတင်ရာတွင် အဓိက တွေ့ကြုံ ရသည့် စိန်ခေါ်မှု အခက်အခဲများ၊ နည်းပညာ နှင့်သတင်းအချက်အလက်ဆိုင်ရာ လိုအပ်ချက် များကို ရှင်းလင်းတင်ပြဆွေးနွေးခဲ့ပါသည်။    မြန်မာကုန်သွယ်မှုမြှင့်တင်ရေးအဖွဲ့မှ ဒုတိ ညွှန်ကြား ရေးမှူး၊ ဒေါ်သီတာဝင်းဌေးက ဌာန၏ မျော်မှန်းချက်၊ဦးတည်ချက်များ၊ လက်ရှိဆောင်ရွက်နေမှု များနှင့် အမျိုးသားပို့ကုန်မဟာဗျူဟာရေးဆွဲအကောင်အထည်ဖော်ဆောင်ရွက်နေမှုများကို ပြန်လည် ဆွေးနွေးတင်ပြခဲ့ပြီး၊ မြန်မာနိုင်ငံစားသောက်ကုန်ထုတ်လုပ်တင်ပို့ရောင်းချသူများအသင်းမှ တွဲဖက် အတွင်းရေးမှူး၊ ဦးရဲမြင့်မောင်က မြန်မာနိုင်ငံစားသောက်ကုန်ထုတ်လုပ်မှုကဏ္ဍ Food Supply Chain တစ်လျှောက်တွေ့ကြုံနေရသည့် အားနည်းချက်များကိုတင်ပြဆွေးနွေးခဲ့ကြပါသည်။
စားသောက်ကုန်ထုတ်လုပ်ရောင်းချသော စီးပွားရေးလုပ်ငန်းများဆိုင်ရာ အစိုးရ - ပုဂ္ဂလိက ပူးပေါင်းဆောင်ရွက်မှုဖိုရမ်ကိုကျင်းပခြင်းဖြင့် မြန်မာနိုင်ငံတွင်လာရောက်ရင်းနှီးမြှုပ်နှံပြီး လုပ်ငန်း လုပ်ကိုင်နေသည့် ဂျပန်ကုမ္ပဏီများနှင့်  နောက်ထပ် လာရောက် ရင်းနှီးမြှုပ်နှံပြီးလုပ်ကိုင်ရန် စိတ်ဝင်စားသည့် ဂျပန်စားသောက်ကုန်ကုမ္ပဏီများ၏အရေးပါသော တာဝန်ခံ ကိုယ်စားလှယ်များ  တက်ရောက်ကြသည့်အတွက် ပြည်တွင်းလုပ်ငန်းရှင်များအနေဖြင့် နိုင်ငံခြားရင်းနှီးမြှုပ်နှံလိုသည့် ကုမ္ပဏီများ တွေ့ဆုံဆွေးနွေးခြင်းဖြင့် Food Supply Chain  ဆိုင်ရာနည်းလမ်းကောင်းများ တိုးတက်ဆောင်ရွက်နိုင်စေပြီး နှစ်ဦးနှစ်ဖက်အကျိုးရှိစေမည့် ကုန်သွယ်မှုအခွင့်အလမ်းကောင်းများ ကိုဖော်ဆောင်နိုင်စေရန်ရည်ရွယ်ပြီး ကျင်းပခဲ့ခြင်းဖြစ်ပါသည်။
    ဖိုရမ်သို့ စားသောက်ကုန်ထုတ်လုပ်မှုလုပ်ငန်းစဉ်တစ်လျှောက်ပါဝင်သည့် သက်ဆိုင်ရာ နှီးနွယ်ဝန်ကြီးဌာနများမှကျွမ်းကျင်သူများ၊ မြန်မာနိုင်ငံကုန်သည်များနှင့် စက်မှု လက်မှုလုပ်ငန်းရှင်များ အသင်းချုပ်၊ မြန်မာနိုင်ငံစားသောက်ကုန်ထုတ်လုပ်တင်ပို့ရောင်းချသူများအသင်း၊ မြန်မာနိုင်ငံ လက်လီဖြန့်ချီသူများအသင်း၊ ဟိုတယ်လုပ်ငန်းရှင်များအသင်းနှင့် City Mart Holding ကုမ္ပဏီများအပါအဝင် မြန်မာကိုယ်စားလှယ် ၄၄ဦး၊ ဂျပန်နိုင်ငံ၊ စိုက်ပျိုးရေး၊ ငါးလုပ်ငန်းနှင့် သစ်တော ဝန်ကြီးဌာန၊ Nomura Research Institute (NRI)နှင့် ဂျပန် စားသောက်ကုန်ကုမ္ပဏီများမှ တာဝန်ခံများ အပါအဝင် ဂျပန်ကိုယ်စားလှယ် ၃၁ဦးတို့ဖြင့်  စုစုပေါင်း (၇၅)ဦး တက်ရောက် ခဲ့ကြပါသည်။                                မြတ်မြတ်စိုးမိုး (Myantrade)

 

 

 

Feature NES Events: 
1