● မြန်မာကုန်သွယ်မှုမြှင့်တင်ရေးအဖွဲ့မှ သစ်သီးဝလံများတန်ဖိုးမြှင့် ထုတ်လုပ်တင်ပို့ရေးနှင့် ဈေးကွက်ဝင်ရောက်ရေး အလုပ်ရုံဆွေးနွေးပွဲကျင်းပ

Wed, 03/28/2018 - 23:53 -- IT_international

မြန်မာကုန်သွယ်မှုမြှင့်တင်ရေးအဖွဲ့ (MYANTRADE) မှ သစ်သီးဝလံများတန်ဖိုးမြှင့် ထုတ်လုပ်တင်ပို့ရေးနှင့် ဈေးကွက်ဝင်ရောက်ရေး အလုပ်ရုံ ဆွေးနွေးပွဲကို ၂၀၁၈ ခုနှစ်၊ မတ်လ ၂၃ ရက်နေ့တွင် မော်လမြိုင်မြို့၊ မွန်ပြည်နယ် ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်ခန်းမ၌ ကျင်းပခဲ့ပါသည်။

            အလုပ်ရုံဆွေးနွေးပွဲတွင် စီမံကိန်း၊ ဘဏ္ဍာရေး၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးဝဏ္ဏကျော်က အဖွင့်အမှာစကားပြောကြားပြီး မြန်မာကုန်သွယ်မှုမြှင့်တင်ရေးအဖွဲ့၊ ဒုတိယညွှန်ကြားရေးမှူးချုပ် ဒေါ်နော်မူတာကပေါ က အမှာစကားပြောကြားပါသည်။

            ဆွေးနွေးပွဲကို  မြန်မာကုန်သွယ်မှုမြှင့်တင်ရေးအဖွဲ့၏ ဝန်ဆောင်မှုများ၊ အမျိုးသား ပို့ကုန်မဟာဗျူဟာများ ချမှတ်အကောင်အထည်ဖေါ်မှုများ၊ မြန်မာ့ကုန်စည် အမှတ်တံဆိပ် တည်ဆောက်ရန် လိုအပ်ချက်များကို စီးပွားရေးလုပ်ငန်းရှင်များအား သိရှိနိုင်ရန်နှင့် ကုန်သွယ်မှုဖွံ့ဖြိုးတိုးတက်လာစေရန်အတွက် အခြားအောင်မြင်နေသော စီးပွားရေးလုပ်ငန်းရှင်များ၏ အတွေ့အကြုံများကိုမျှဝေပေးရန် ရည်ရွယ်၍ ကျင်းပခဲ့ခြင်းဖြစ်ပါသည်။

            ယင်းနောက် ဝန်ကြီးဌာနမှ အဆင့်မြင့်အရာထမ်းများက မြန်မာကုန်သွယ်မှု မြှင့်တင်ရေးအဖွဲ့(Myantrade) မှ ဆောင်ရွက်ပေးနေသော လုပ်ငန်းများ၊ Trade Center များ ၏ ဝန်ဆောင်မှု များနှင့် သတင်းအချက်အလက်များအရေးပါမှု အခန်းကဏ္ဍများ ကို လည်းကောင်း၊ ပုဂ္ဂလိက အဖွဲ့အစည်းများမှ   ပညာရှင်များက    ဈေးကွက်အတွင်း Made in Myanmar  အမှတ်တံဆိပ် တည်ဆောက်ခြင်းနှင့် ဈေးကွက်ဝင်ရောက်ရေး အတွက် လိုအပ်ချက်များ၊ သစ်သီးဝလံများ တန်ဖိုးမြှင့်ထုတ်လုပ်တင်ပို့ခြင်းနှင့် စပ်လျဉ်း ၍ ဆောင်ရွက်နေမှု အခြေအနေများကိုလည်းကောင်း ဆွေးနွေးခဲ့ကြပြီး တက်ရောက် လာသူများမှ သိလိုသည်များကို မေးမြန်းခဲ့မှုအပေါ်  ပြန်လည်ဖြေကြားခဲ့ပါသည်။                    

             ဆွေးနွေးပွဲသို့ ပြည်နယ်ဝန်ကြီးများ၊ ဌာနဆိုင်ရာအကြီးအကဲများ၊ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်၊ ကုမ္ပဏီလုပ်ငန်းရှင်များ၊ မြန်မာကုန်သွယ်မှုမြှင့်တင်ရေးအဖွဲ့၊ စားသုံးသူရေးရာဦးစီးဌာန၊ အရာထမ်း/ အမှုထမ်း များ၊ စုစုပေါင်း (၁၅၀) ဦး တက်ရောကခဲ့ကြကြောင်း သိရပါသည်။

 

Myanmar
News Category: