● ပို့ကုန်လုပ်ငန်းရှင်များ အပြည်ပြည်ဆိုင်ရာကုန်စည်ပြပွဲများသို့ သွားရောက်ပြသနိုင်ရေး ပညာပေးဆွေးနွေးပွဲ (Awareness Seminar on International Trade Fairs) ကျင်းပပြုလုပ်

Tue, 11/28/2017 - 17:17 -- IT_international

မြန်မာကုန်သွယ်မှုမြှင့်တင်ရေးအဖွဲ့၊ ရုံးအမှတ်(၅၂) အစည်းအဝေးခန်းမသစ်တွင် “ပို့ကုန်လုပ်ငန်းရှင်များ အပြည်ပြည် ဆိုင်ရာကုန်စည်ပြပွဲများသို့ သွားရောက်ပြသနိုင်ရေး ပညာပေးဆွေးနွေးပွဲ (Awareness Seminar on International Trade Fairs)” ကို နိုဝင်ဘာလ(၂၃)ရက်နေ့မှ (၂၄)ရက်နေ့အထိ နံနက်( ၀၉:၃၀)နာရီမှ ညနေ( ၁၆:၃၀)နာရီအထိ (၂) ရက်ကြာ ကျင်းပပြုလုပ်ခဲ့ပါသည်။

အဆိုပါဆွေးနွေးပွဲသို့ သမဝါယမအသင်းများမှ သင်တန်းသား(၈)ဦး၊ SMEs လုပ်ငန်းရှင်များမှ (၂၃)ဦး၊ ဌာနဆိုင်ရာ များမှ (၅)ဦး စုစုပေါင်း သင်တန်းသား (၃၆) ဦး တက်ရောက်ပါသည်။ JETRO အဖွဲ့မှ ဒါရိုက်တာဖြစ်သူ Ms.Fumiko Kikuchi မှ ဂျပန်နိုင်ငံတွင် ကျင်းပသည့် ကုန်စည်ပြပွဲများအကြောင်း ဆွေးနွေးခဲ့ပြီး လေ့လာသူများအဖြစ် JICA Project Team မှ Mr. Mishima Kazuo ဦးဆောင်သော ကိုယ်စားလှယ်အဖွဲ့တက်ရောက်ခဲ့ပါသည်။ 

ဆွေးနွေးပွဲကျင်းပရခြင်းမှာ မြန်မာနိုင်ငံမှ ပို့ကုန်လုပ်ငန်းရှင်များအနေဖြင့် လုပ်ငန်းများထိရောက် အောင်မြင်စွာ ဆောင်ရွက်နိုင်ရန်နှင့် နိုင်ငံတကာကုန်စည်ပြပွဲများနှင့်လည်း ချိတ်ဆက်၍ ဆောင်ရွက်တတ်ရန်၊ လိုအပ်သည့် လုပ်ထုံးလုပ်နည်းများ၊ ကြုံတွေ့ရသည့်အခက်အခဲများ၊ ကုန်စည်ပြပွဲများနှင့် ပတ်သက်သည့် အတွေ့အကြုံများကို မျှဝေပေးပြီး နိုင်ငံတကာကုန်စည်ပြပွဲများတွင် မြန်မာနိုင်ငံမှ လုပ်ငန်းရှင်များ ပိုမိုပါဝင်ပြသနိုင်စေရန်ဖြစ်ပါသည်။

 

Myanmar
News Category: